Fjelltur for små og store føter. Roleg kajakktur på bregrønt fjellvatn. Bygg din eigen 2000-meterstopp på fjellsenteret. Moglegheitene er mange når du skal velje aktivitetar i Lom.
Enten du likar deg best på den høgste fjelltopp eller i djupaste dalbott: Lom har mangt å by på for dei fleste.
Det er det same om du kjem åleine, eller er på ferie i Lom saman med familie og vener. Om du er glad i fart og spenning eller peiskos og elvesus kjem aldeles på eitt ut.
Vi lovar deg å gjera vårt for at du skal få eit innhaldsrikt opphald i landets trivelegaste nasjonalparklandsby.
Dette er noko av det Lom har å by på av aktivitetar:
- Ta deg ein tur ut inne (!) i Lom Fjellsenter
- Opplev den spesielle stemninga i Lom Stavkyrkje
- Klatre høgt og lågt hjå Aktiv i Lom
- Et deg mett på dei legendariske bollane til Morten & co ved Bakeriet i Lom
- Smak på lokalt brygg på ein av dei gode spisestadene i Lom
- Nyt våren på bortoverski på Sognefjellet
- Stå på nedoverski ved foten av Galdhøpiggen – midt på sommaren
- Yoga ved elvebreidda i Lom sentrum
- Gå toppturar på ski i Jotunheimen
Sjølv om opplevingar ute i naturen står i høgsetet sumar som vinter, treng du ikkje å vera korkje sprek eller ivrig fjellfriskus for å nyte det beste av Lom. Her er det fleire aktivitetstilbod – også for den som likar best å trø asfalten og nyte godt det ein finn midt i sentrum.
Uansett kva du gjer på dagtid: på kveldstid anbefaler vi at du nyt ein god middag før du kryp til køys med rekordlåg kvilepuls – høg på opplevingane du har hatt i løpet av ein herleg aktivitetsdag i Lom.
Og dersom du slit med å greie å velje frå den smakfulle smørbrødlista av aktivitetar, så hjelp vi deg meir enn gjerne.
Lyst til å ta deg ein digital ferietur til Lom for å sjå meir av det vi kan by på av aktivitetar og opplevingar? Besøk heimesida til Visit Jotunheimen for å sjå meir av Lom.
Ta kontakt med nordalsfolket for å få forslag til aktivitetar i Lom