Nordal sist i 1890 åra. Frå venstre Rønnaug Sørhage, dottera Ennbjørg Nordal med Knut på fanget, Livt, Nordal (f. Kvamme) med barnebarnet Livø, Gabriel Nordal og Kristen Øverbø.

Familien Nordal tok til med kafe om dagen og ferdmannskvile om natta. Ferdmennene brukte sine eigne skinnfeller og låg på golvet. Det var nok ofte att lus etter desse sengekleda. Elles var rommet utstyrt med spyttbakker for brukarar av snus og skråtobak. Helseforskriftene hal vorte endra mykje på 100 år!

Kafeen var for folk som hadde ærend til butikk eller kvern, eller kom frå kyrkja messesundagen. Flest folk kom det juldagen. Ernbjørg Nordal fortalde at ho skaffa seg ein ”misjonskjel" som tok 100 koppar. Juldagen mol ho på kjelen tre gonger, så ho seide minst 200 koppar den dagen!  

Kring 1905 vart det bygt på ei høgd, så dei fekk 4 soverom til. Gardsbruket vart utbygt litt etterkvart, låve og stall skal vera det fyrste som kom på plass, fordi både Gabriel og sonen Knut dreiv med hestar. Så kom fjoset, men jorda vart ei tid brukt saman med Andberg som dei åtte mellom 1913 og 1920.

I 1924 vart gamelfjoset rive, og istaden kom nåverande fjos, kjøpt av Lars Kolden. Oppå fjoset vart det bygt ein sal, 'Kusalen", som vart brukt som festlokale til 1938. Da vart salen nedteke og ombygt til låve. Ein ny tvihøgda bygning vart bygt i 1924. 1 fyrste høgda vart det plass til matsal, peisstugu og ein salong, andre høgda ga plass til 5 gjesterom og i kvisten var det to rom. No hadde Nordal Hotell 11 gjesterom med 25 senger.

Det andre bygget på Nordal sto klart i 1925

Neste bygget var stabburet. Det lokale telefonselskapet vart overteke av det statlege telefonselskapet, og Embjørg Nordal kjøpte telefonstolpane som stod att utover bygda. Dei kosta 1 kr stykket, om kjøparen henta dei. Ho fekk Elias Kveen til å ta dei ned og køyre dei heim på vinterføre for same prisen. Dette var i 1935, og Simen Kolden og Tormod Sørhage hadde kr 2,50 for dagen for å lafte stabbur av stolpane. Dei fekk kosten attåt, så dei tykte dei gjorde det bra.

Heile kostnaden med stabburet kom på 800 kroner og da var det støypt kje)lar under, som vart brukt til "ishus", det vil seia fryseri.

Våren 1940 vart Nordal brukt som feltlasarett, og sjølvefolket fløtte åt Sørhage og budde der i 6 veker. Bombinga av Fossbergom midt i april øydela noko av øvre bygningen, men han vart bygt opp att.

Det var ikkje så mykje turisttrafikk under krigen, utanom ein flokk kunstmålarar som kom att surnar etter sumar. Etter krigen heldt turiststaden fram under namnet Nordal Turistheim. Dette var tida for bussturistar og syklistar. Personbilar var det få av. Maria og Tosten Nordal tok over drifta i 1947, og sat med taumane til Egil Nordal overtok i 1970. Og det er i denne perioden Nordal går over frå å vera gardsbruk med turisttilbod, til å nytte heile garden, med mange tilbod til den aukande turiststraumen.

I 1955/56 vart dei to bygningane samanbygde med eit mellombygg. Dette gav plass til ny matsal og anretning i fyrste høgda og 10 nye rom i andre og tredje høgda. Elles vart bygningane kledde både utvendig og innvendig. Seinare påkostnader kom i slutten av 1980 åra, med ny resepsjon og matsal. Og i 50 åra var vassverket på Fossbergom utbygt, så da kunne romma utstyrast med varmt og kaldt vatn på kvart rom og vassklosett i korridorane. Det var eir stor framsteg. Seinare ombyggingar og påkostnader på hotellavdelinga har ikkje auka talet på senger, snarare tvert om. Aukande krav til komfort, med mellom anna dusj og wc på alle rom, har gjort at ein måtte ta rom eller delar av rom for å få plass. No har alle rom på hotellet og motellet dusj og wc. 1 1960 vart motellet bygt. Det fekk 8 dobbeltrom med same standard som hotellet. Tilsaman har Nordal Hotell 55 senger.

Ekspansjonen kom utadørs. Og det forde til at jordbruk og krøterhald måtte avviklast i 1960 åra. Det tok til med at teltturistar kom og spurde om lov til å slå opp telt mellom hesjene etter fyrste slåtten. Dette var i slutten av 50 åra, men fyrste organiserte campingplassen kom i 1961, etter at Essostasjonen var bygd. Her var det vassklosett som kunne brukast av campingturistane og. Dette vart fort for lite, så i 1963 måtte Nordal byggje fyrste sanitæranlegget, saman med nytt vaskeri. Teltplassen vart frå fyrst av berre omlag 1 mål, på jordet utafor Bergheim. Etterspurnaden auka, så større og større areal måtte takast frå gardsdrifta. Og krøterhald og turisttrafikk gjekk ikkje godt saman, dyra kunne få i seg "kvast", så til slutt måtte siste kua og hesten på slaktebenken. Ei stutt tid vart det prøvt med uksar, og seinare med gris, men det måtte gjevast opp og. No er det berre fjoset og låven som fortel at det har vore gardsbruk på Nordal.

Bilturistane som fløtte inn på åker og eng, spurde ofte etter tak over hovudet, teltet vart etter kvart ikkje godt nok. Og Egil Nordal bygde dei fyrste campinghyttene i 1962. Og fleire vart sett opp etter kvart. I dag er det 55 hytter med varierande standard, sume med dusj/wc, stugu og kjøken. Det er likevel bruk for dei heilt enkle hyttene som vart bygde i 1962. Den store auken av campingturistar førde til behov for utviding av sanitæranlegga. To år etter fyrste anlegget vart det bygt eitt til, rett utafor Fossheim. Dette vart lagt til ein kjellar, der det vart oppsett ei timbrastugu. Føderådsfolka, Maria og Tosten, budde der siste leveåra. Etterpå kunne huset brukast både til bustad og utleigehytte.

Campingplassen hadde slege under seg heile Nordalsjordet. Så kom elveforbygginga mot Bøvra og gjorde at arealet kunne utvidast i slutten av 70-åra. Og da laut eit tredje sanitæranleggbyggjast, no med ein kapasitet for 400 personar.

For at hytte og teltfolka skulle få best mogleg service, trongst ikkje berre vaske og strykerom, dusj og wc. Turistane trong og ein stad å gjera innkjøp, særleg utanom opningstida butikkane brukte. På Nordal starta det med ein liten kiosk. I slutten av 60-åra kom det fyrste verkelege gatekjøkenet, og det var det fyrste i Oppland. Torbjørn Fjeldstad hjelpte til med å teikna huset. Dette har vore påbygt fleire gonger. Den fyrste Essostasjonen frå 1960 hadde frå fyrst av liten trafikk, særleg vinterstid. Men dette vart annleis etter at bilsalet vart slept fritt i 1960. Trafikken auka slik at både anlegg og varetilbod kravde nybygg. Dette kom i 1987. Da stod ein heilt ny stasjon, med både vaske- og smørehall ferdig. Kafeen vart og ombygt i 1989. 1 same huset har eit anna servicetilbod kome i tillegg. Reidun Nordal har i mange år drive frisørsalong i 2. etasjen i øvre bygningen. Og det siste som har kome til  er uteserveringsplass for matsalen med plass til 150 gjester Denne sen kan og brukast til danseplass eller utescene.